काठमाडौं ज्येष्ठ १६, काठमाडौं महानगरपालिका महाराजगंजस्थित कोसेली गेष्टहाउसमा एक युवतीलाई जबरजस्ती करणी गर्न खोजको 
अभियोगमा काठमाडौं जोरपाटी डेरा गरी बस्ने बैतडी दशरथचन्द नगरपालिका–९ का ४६ वर्षीय सोमे महरालाई शनिबार प्रहरीले पक्राउ गरेको छ ।
युवतीलाई ललाई फकाई गेष्ट हाउसमा लगी जबरजस्ती करणी गर्न खोजेपछि पीडितले महानगरीय प्रहरी बृत्त महाराजगंजमा जानकारी गराए पश्चात काठमाडौं नारायणटारबाट महरालाई प्रहरीले नियन्त्रणमा लिएको हो । यस सम्बन्धमा प्रहरीबाट थप आवश्यक अनुसन्धान भइरहेको प्रहरीले जनाएको छ ।
