काठमाडौ ज्येष्ठ १६, शनिवार सरकारले ल्याएको बजेटमा भएको मुख्य मुख्य विशेषताका बारेमा आज अर्थ मन्त्रालयले जानकारी गराउने भएको छ । व्यवस्थापिका ससदको बैठकमा अर्थ मन्त्री विष्णुप्रसाद पौडेलले १० खर्ब ४८ अर्ब ९२ करोड १३ लाख ५४ हजारको बजेट प्रस्तुत गर्नु भएको थियो । त्यस्तै प्रस्तुत बजेटमा आर्थिक वृद्धिदर लक्ष्य ६ दशमलव ५ प्रतिशत वृद्धिदरको लक्ष्य राखिएको छ भने बजेटले सामाजिक सुरक्षा भत्ता दोब्बर बनाएको छ भने कर्मचारीको तलब २५ प्रतिशतले बढाएको छ । त्यसैगरी निर्वाचन क्षेत्र पूर्वाधार विशेष कार्यक्रम तीन करोड छुट्टयाइएको छ ।
यसैप्रसंगमा आज शनिवार सार्वजनिक गरिएको बजेटका अन्य थप विशेषताका विषयमा दिउँसो ४ बजेतिर पत्रकार सम्मेलन गरेर जानकारी गराउन लागिएको अर्थ मन्त्रालयले जनाएको छ ।