पुरानै सदस्यताको आधारमा महाधिवेसन सम्पन्न गराउँने
सभापति कोइरालाको तयारी
काठमाडौ पौष २६, पार्टीको १३ औं महाधिवेसनको संघारमा रहेको काँग्रेस भिज्ञ फेरि र क्रियाशील सदस्यता विवाद बल्झिएको छ । यसअघि 
बसेको केन्द्रीय समिति बैठकमा केन्द्रीय सदस्य नरहरि आचार्य संयोजक रहेको क्रियाशील सदस्यता छानविन समितिले सर्वसम्मत बुझाएको प्रतिवेदनमा कोइराला निकट सदस्य रामकृष्ण यादवले नोट अफ डिसेन्ट लेखेपछि फेरि विवाद बल्झिएको हो ।
तर प्रस्तुत विवाद टुङ्गो लगाउन भन्दै आजै कांग्रेसले केन्द्रीय समितिको बैठक बोलाएको छ । आज अपरान्ह १ बजेबस्ने बैठकमा क्रियाशील सदस्यता विवादबारे छलफल हुने काँग्रेस सम्वद्ध स्रोतले जनाएको छ । त्यस्तै स्रोतका अनुसार क्रियाशील सदस्यताको पछिल्लो प्रतिवेदनमा विवाद कायमनै रहने हो भने उक्त प्रस्तावलाइ स्थगन गर्दै पुरानै सदस्यताको आधारमा पार्टीको १३ औं महाधिवेसन सम्पन्न गर्ने प्रस्ताव सभापति सुशील कोइरालाले गर्ने तयारी गरेको बुझिएको छ ।
