काठमाडौ आश्विन १४, मुलुकमा सुरक्षा चेकजाँचको नाममा भारत सरकारले अघोषित नाकाबन्दीका कारण मुलुकमा भइरहेको इन्धन अभावलाई मध्यनजर गर्दै 
ट्राफिक प्रहरीले जोर विजोर प्रणालीलाई आजबाट कडाई साथ लागू गर्ने भएको छ ।
इन्धन अभावका कारण सरकाले कोटा प्रणाली लागु गर्दै जोरविजोर प्रणाली लागू गरेको हो । यद्यपी जोरविजोर प्रणालीमा पनि केहि समस्या देखिन थालेपछि महानगरीय ट्राफिक महाशाखाले अस्पताल, पर्यटक, विद्यालय, सञ्चार गृह, दूध, खानेपानी, खाद्यान्नलगायतका सवारी साधनबाहेक अरू साधनमाथि आजबाट कडा अनुगमन गर्ने तयारी गरेको बुझिएको छ । त्यस्तै बुधवारनै सरकाले आजबाट निजी क्षेत्रका सवारी साधनबलाइ इन्धन नदिने निर्णय गरेको छ ।
