काठमाडौ आश्विन ४, राजधानीको हनुमानढोका दरवार परिसरस्थित कागेश्वरी महादेवको मन्दिरमा आज मेला लागेको छ । यस मन्दिरमा दर्शन गर्दा पाप नाश भई पुण्य प्राप्त हुने र पारिवारिक सुख, शान्ति र समृद्धि प्राप्त हुने जन विस्वास रहिआएको छ ।
गत बैशाख १२ गतेको महाभूकम्पका कारण मन्दिर पूर्णरुपमा भत्केका कारण यस वर्ष मन्दिर दर्शनका लागि आउँने भक्तहरुका लागि मन्दिरको मुलद्धारमा नै कलश स्थापना गरि दर्शनको व्यवस्था मिलाइएको थियो । त्यस्तै मन्दिर भत्किएका कारण यसपटक विगतका वर्षको तुलनामा दर्शनार्थीको घुइचो कम भएको स्थानीयहरुले बताएका छन ।