काठमाडौ अषाढ ३, व्यवस्थापिका–संसद्को रिक्त सचिवपदबाट गत ज्येष्ठ १४ गते ठाकुरप्रसाद बरालले राजीनामा दिनुभएपछि रिक्त रहेको सचिव पदमा मा संसद् सचिवालयका सहसचिव मुकुन्दप्रसाद शर्मा नियुक्त हुनुभएको छ ।
सभामुख सुवासचन्द्र नेम्वाङको अध्यक्षतामा रहेको व्यवस्थापन समितिले आज शर्मालाई सचिव पदमा नियुक्ति गरेको संसद् सचिवालयले जनाएको छ । लोकसेवा आयोगका सदस्य डा गोविन्द कुसुम संयोजक रहनुभएको सिफारिस समितिले सो पदका लागि मुकुन्दप्रसाद शर्मा, सोमबहादुर थापा र हिमलाल सुवेदी तीनजनामध्येबाट ज्येष्ठता र अनुभवका आधारमा एक जनालाई नियुक्तिका लागि सिफारिस गरेको हो