काठमाडौं चैत्र १३, नेपाल चार्टर्ड एकाउन्टेन्ट्सको छाता सङगठन आइक्यानले आगामी आर्थिक वर्षदेखि लागू हुने गरी लेखापरीक्षकहरुको न्यूनतम लेखापरीक्षण शुल्क निर्धारण गरेको छ । लेखापरीक्षकहरुले अव देखि लेखापरीक्षण गरेबापट निम्नानुसारको शुल्क लिने आइक्यानले जनाएको छ । 
आइक्यानले चार्टर्ड एकाउन्टेन्ट सदस्यको न्यूनतम लेखापरीक्षण शुल्क २० हजार, ‘ख’ वर्गका दर्तावाला लेखापरीक्षक सदस्यको १५ हजार, ‘ग’ वर्गको १० हजार र ‘घ’ वर्गको लेखापरीक्षक सदस्यको शुल्क ५ हजार निर्धारण गरेको हो ।
त्यस्तै सूचीकृत सार्वजनिक वित्तीय संस्थातर्फ सय अर्बभन्दा माथि कर्जा लगानी वा निक्षेप रकम भएमा न्यूनतम लेखापरीक्षण शुल्क २५ लाख, ५० अर्बभन्दा माथि २० लाख, १० अर्बभन्दा माथि १० लाख, ५ अर्बभन्दा माथि ५ लाख र १ अर्बभन्दा माथि १ लाख निर्धारण गरिएको आइक्यानले जनाएको छ ।
यैगरी आइक्यानले अन्य सूचीकृत तथा सार्वजनिक संस्था एवं निजी कम्पनी तथा प्रचलित कानुनबमोजिम स्थापना भएका अन्य संस्थाको न्यूनतम लेखापरीक्षण शुल्क पनि परिमार्जन गरेको छ ।
