काठमाडौ फागुन १३, ब्रेन टयुमरबाट पीडित नेपाल प्रेस युनियनका सचिव सूर्यकुमार क्षेत्रीको उपचारका लागि देशान्तर साप्ताहिकका प्रधान सम्पादकसमेत वरिष्ठ पत्रकार कविर राणाको पहलमा अमेरिकामा बस्ने नेपालीहरू सुनिलजङ्ग रायमाझी, सानुबाबु सिलवाल र हरिबोल भण्डारीले रु ५० हजार सहयोग गरेको छ । सचिव क्षेत्रीको उपचारमा सहयोगका लागि सङ्कलित सो सहयोग रकम नेपाली जनसम्पर्क समितिका केन्द्रीय सदस्य हरिबोल भण्डारीले सचिव क्षेत्रीलाई आज एक कार्यक्रमकावीच हस्तान्तरण गरेको हो ।
रकम हस्तान्तरण कार्यक्रममा वरिष्ठ पत्रकार कविर राणा प्रेस युनियनका उपाध्यक्ष ईश्वरी ओझा लगायतले बोल्नु भएको थियो । त्यस्तै जनसम्पर्क समितिका केन्द्रीय सदस्य हरिबोल भण्डारीले अमेरिकामा रहेर पनि आफ्नो मुलुक र साथीभाइका लागि थोरै भए पनि सहयोग गर्न पाएकामा खुसी व्यक्त गर्दै आगामी दिनमा पनि मुलुकप्रतिको जिम्मेवारी पूरा गर्न सदैव तयार रहेको दृढता व्यक्त गर्नुभएको थियो । फोटो: Desantar.com बाट