काठमाडौ मङ्सिर ४, दक्षिण एसियाली क्षेत्रीय सहयोग सङ्गठन(सार्क) हस्तकला प्रदर्शनी तथा १२ औं हस्तकला व्यापार मेला आजबाट हाम्रो हस्तकला, हाम्रो गौरव भन्ने नाराका साथ राजधानीको भृकुटीमण्डपमा सुरु भएको छ । नेपाल हस्तकला महासङ्घका अयोजनामा आयोजित उक्त 
हस्तकला व्यापार मेलाको आज एक कार्यक्रमकावीच उद्योगमन्त्री महेश बस्नेतले उद्घाटन गर्नु भएको हो । मेलाको उद्घाटनसत्रलाइ सम्बोधन गर्दै मन्त्री बस्नेतले हस्तकला व्यवसायले देशकोे आर्थिक विकासमा महत्वपूर्ण योगदान पु-याएको उल्लेख गर्दै प्रस्तुत व्यवसायको प्रवद्धनका लागि राज्यको तर्फबाट हरसंभव प्रयास गर्ने प्रतिबद्धता व्यक्त गर्नुभएको छ ।
कार्यक्रममा नेपाल उद्योग वाणिज्य महासङ्घका अध्यक्ष प्रदीपजङ्ग पाण्डे नेपाल चेम्बर्स अफ कमर्सका उपाध्यक्ष ज्ञानेन्द्ररत्न तुलाधार र हस्तकला महासङ्घका अध्यक्ष हेमरत्न शाक्यल गायतका वक्ताले हस्तकला व्यवसायको औचित्य र प्रवद्धनकालागि आवश्यक निति तय गरिनु पर्नेमा जोड दिनु भएको थियो । पाँच दिनसम्म चल्ने उक्त मेलामा काष्ठकला, धातुकला, चाँदी तथा अन्य धातुका गरगहना, सुती एवं ढाकाका सामान, पश्मिना, हाते कागजका सामान, छालाजुत्ता तथा छालाजन्य सामान, प्राकृतिक रेशा र बाँसका सामानका २ सय १० वटा स्टल छन् । मेलामा मेलास्थलमै हस्तकलाका सामान बनाउने र उत्कृष्ट सामान बनाउनेलाई पुरस्कृत गर्ने कार्यक्रम रहेकोहस्तकला महासङ्घले जनाएको छ।
