काठमाडौं ज्येष्ठ ८, अषाढको पहिलो सता साता पर्यटकीय नगरी पोखरामा हुन लागेको नेपाल प्रेस युनियनको आठौं महाधिवेशनलाइ लिएर अहिले प्रजातान्त्रिक पत्रकार वृतमा चहलपहल सुरु भएको छ । महाधिवेशनको सेरोफेरोमा अहिले पत्रकारहरूले आफ्नो उम्मेदवारी घोषणा गर्नेदेखि भेटघाटको क्रमलाइ तिव्र बनाएका छन । महाधिवेशनको मिति जति जति नगिचिदै त्यतिनै अनुपातमा पत्रकारमाझ चुनावी वातावरणको माहौल बढदै गएको सहजै आभाष गर्न सकिन्छ ।
यसै क्रममा युनियनको नेतृत्वत लिनका लागि हालसम्म चार जनाले उम्मेदवारी घॊषणा गरिसकेको अवस्था छ । यसरी उम्मेदावारी घोषणा गर्नेहरुमा । वरिष्ठ उपाध्यक्ष रहेका बद्री सिग्देल, उपाध्यक्ष गंगाधर पराजुली, महासचिव शिव लम्साल र पूर्व वरिष्ठ उपाध्यक्ष दमोदरप्रसाद दवाडी चुनावी मैदानमा उत्रिएका छन । त्यस्तै युनियनको वरिष्ठ उपाध्यक्षमा दीपक आचार्य र विजयसन्तोषी राईको नाम चर्चित छ । महिला उपाध्यक्षमा भने बाला अधिकारीकॊ चर्चा छ । त्यस्तै महासचिवका लागि होमप्रसाद लम्साल, अजयबाबु शिवाकोटी, सरोज अधिकारीलगायतले दावी प्रस्तुत गर्दै आइरहेका छन भने सचिवमा ईश्वरी ओझा, सोमनाथ सुसेली, प्रेम केसी लगायतका पत्रकारहरूले अगाडि छन् । कोषाध्यक्षमा छायाँचन्द्र भण्डारी र खिला कार्कीले दाबी प्रस्तुत गरेको बुझिएको छ।
यसैवीच नेपाल प्रेस युनियन काठमाडौंको जिल्ला अधिवेशन भोली प्रज्ञा भवन कमलादीमा हुने भएको छ । काठमाडौं युनियनको नेतृत्वका लागि संगम बाँनिया, नकुल अर्याल र जिवन भण्डारीले आआफ्नो दावी प्रस्तुत गर्दै आईरहेका छन । यो समाचार तयार पार्दा समेत काठमाडौंमा सहमतिको वातावरण बनाउँन विभिन्न तहमा छलफल भइरहेको भएपनि त्यस्तो कुनै नितिगत सकमति भने भइनसकेको बुझिएको छ । यदि भोली हुँने काठमाडौं अधिवेशनमा त्यस्तो कुनै सहमति भएन भने नेतृत्वका लागि त्रिपक्षिय प्रतिस्प्रर्धा हुने प्राय निश्चित रहेको छ ।