भक्तपुर पौष २१, नेपाल क्षयरोग निवारण संस्था जिल्ला शाखा भक्तपुरले सभासद् रामेश्वर ढुङ्गेलको प्रमुख आतिथ्यमा आयोजित संस्थाको २९ औँ जिल्ला सभाको क्रममा संस्थाका 
पूर्व सभापति एवम् पत्रकारद्वय पुष्कर बुढाथोकी र मणिराम लामिछाने लाई सम्मान गरेको छ ।
भक्तपुर जिल्लामा क्षयरोग नियन्त्रण अभियानमा आºना पत्रिकामार्फत जनसमुदायमा चेतना अभिवृद्धि गर्ने कार्यमा उल्लेखनीय योगदान पु-याएवापत उहाँहरूलाई सम्मान गरिएको क्षयरोग निवारण संस्था जिल्ला शाखा भक्तपुरले जनाएको छ । त्यस्तै जिल्ला सभाको बन्दसत्रमा संस्थाका सचिव राम सिख्वःद्वारा प्रस्तुत आव २०६९/७० को प्रगति प्रतिवेदन तथा आगामी कार्यक्रम र कोषाध्यक्ष बलदेवभक्त कर्माचार्यद्वारा प्रस्तुत आव २०६९/७० को आयव्यय विवरण पारित गरिएको थियो ।
