काठमाडौ आश्विन १४, नयाँ शक्तिले प्रधानमन्त्री पुष्पकमल दाहालको भारत भ्रमणपछि जारी २५ बुँदे संयुक्त वक्तव्यको विरोध एवम् प्रतिगामी निर्णय, दैनिक उपभोग्य सामानहरूको कृत्रिम अभाव, महंगी, कालाबजारी र यातायात क्षेत्रमा विद्यमान सिण्डिकेटको विरोधमा आज राजधानीमा वृहत धर्ना कार्यक्रमको आयोजना गरेको छ ।
धर्नालाइ सम्बोधन गर्दै पार्टी संयोजक डा भट्टराईले भारत भ्रमणका क्रममा प्रधानमन्त्री पुष्पकमल दाहालले गरेका २५ बुँदे सम्झौताका केही बुँदा नेपालको राष्ट्रहितमा नभएको भन्दै आपत्ति जनाएका थिए ।
त्यस्तै उहाँले सरकारले भूकम्पपीडितलाई बिनासर्त तत्काल रु पाँच लाख दिनुपर्ने बताउँदै पञ्चायतकालीन इलाकालाई नै गाउँपालिकामा रुपान्तरण गर्ने निर्णय खारेज गरिनुपर्ने, महँगी तथा भ्रष्टाचार नियन्त्रण र दैनिक उपभोग्य सामग्रीको सुपथ मूल्य कायम गरिनुपर्ने लगायत माग गरिएको थियो ।
