काठमाडौ कात्तिक १६, पूर्व प्रधानमन्त्री डा.बाबुराम भट्टराईले आइतवार राजधानीमा आयोजित ‘समकालीन नेपाली राजनीतिका आन्तरिक र बाह्य चुनौतीहरू’ 
विषयक अन्तरक्रियामा विगत लामो समय यता देखि जारी तराई आन्दोलनको सम्बोधन गर्न सरकारले गम्भीरता नदेखाएको भन्दै तराई आन्दोलनलाइ तत्काल सम्बोधन गर्दै विद्यमान समस्याको सम्बोधन गर्नुपर्नेमा जोड दिनुभएको छ ।
त्यस्तै डा भट्टराईले एकातर्फ तराइमा जारी आन्दोलन र अर्कोतर्फ भारतले गरेको अघोषित नाकाबन्दी मुलुकको स्वाधीनता र सार्वभौमिकतामाथिको अतिक्रमण भएको अभिव्यव्यक्ति सहित देश अस्तव्यस्त हुँदा पनि सरकार, राजनीतिक दल र नागरिक समाजसमेत मस्त सुतिरहेको भट्टराईले आरोप लगाए । साथै उहाँले महाभूकम्पको कारण पुगेको क्षतिको पूर्णनिर्माणलाइ यो वा त्यो बहानामा सरकारले ओझेलमा राख्दै जनभावना माथि अर्को घात गरेको समेत बताए ।
मुलुकमा नयाँ संविधान जारीभएसंगै आर्थिक विकास र समृद्धिको मुद्दाले प्राथमिकता पाउनुपर्नेमा वर्तमान सरकार त्यो पक्षमा समेत चुकेका बताउँदै अव मुलुकको समृद्धिका लागि नयाँ शक्ति निर्माण अपरिहार्यरहेको जनाउँ दिनु भएको छ । कार्यक्रममा पूर्व सभामुख दमननाथ ढुंगाना खगेन्द्र, संगौला तुलानारायण, साह लगायत समाजका विभिन्न क्षेत्रबाट प्रतिनिधित्व गर्ने व्यक्तित्वहरुले प्रस्तुत मृद्धामा सुझाव सहितको आ-आफ्नो धारणा अभिव्यक्त गर्नु भएको थियो ।
