काठमाडौ अषाढ ६ , भूकम्पपीडितलाई राहतस्वरुप काठमाडौ अषाढ ६ प्रदान गरिएका खाद्य सामग्री गुणस्तरहीन भएका गुनासा प्राप्त भएको जनाउँदै प्रधानमन्त्री तथा मन्त्रिपरिषद्को कार्यालयले त्यस्ता सामग्रीको परीक्षण गरेरमात्र वितरण गर्न र त्यसो नगर्नेलाई हदैसम्मको कारबाही गर्न निर्देशन दिएको छ । उक्त कार्यालयका सचिवको 
अध्यक्षतामा आज सरोकारवाला निकायका जिम्मेवार पदाधिकारीसँग भएको बैठकपछि सरकारले त्यस्तो निर्देशन दिएको हो ।
बैठकले वितरण गरिएका र वितरणको क्रममा रहेका खाद्य तथा पेय पदार्थको तत्काल नमुना परीक्षण गर्न र अखाद्य र गुणस्तरहीन पाइए प्रचलित ऐनअनुसार हदैसम्मको कारबाही गर्न सम्बन्धित निकायलाई निर्देशन दिएको हो । साथै बैठकले गोरखाको लाप्राकलगायत भूकम्पप्रभावित अन्य भागमा वितरित चामलको नमुना तीन दिनभित्र परीक्षण गर्न वाणिज्य विभाग र खाद्य प्रविधि तथा गुण नियन्त्रण विभागलाई निर्देशन दिएको छ ।
