काठमाडौ ज्येष्ठ १४, लोकतन्त्रप्रति आस्था राख्ने पत्रकारहरुको साझा सङ्गठन नेपाल प्रेस युनियनले आफ्नो २४औँ स्थापना दिवस बुधवार ‘भूकम्पपीडित पत्रकारका लागि केही गरौँ’ भन्ने नाराका साथ देशभरि मनाएका छन ।
युनियनको केन्द्रीय समितिले देशभरका सबै शाखाह्रूलाई आ–आफ्नो अनुकूलका कार्यक्रमह्रू गरेर श्रमजिवी पत्रकारको बारेमा छलफल चलाउन आग्रह गरे अनुरुप युनियनले विविध कार्यक्रमका साथ आफ्नो स्थापना दिवस मनाएको हो । अन्तर्राष्ट्रिय पत्रकार महासङ्घको सदस्यता पाउने पहिलो नेपालको सङ्गठनको रूपमा रहेको नेपाल प्रेस युनियनमा देशभरिका झण्डै पाँच हजार लोकतन्त्रवादी पत्रकार आवद्ध रहेका छन् ।