काठमाडौ फागुन १४, जनकपुर उपमहानगरपालिका–५ स्थित पायल ज्वेलर्समा अवैधरुपमा भारतीय रुपैयाँको सटही गर्ने कार्यमा संलग्न ३ जनालाई प्रहरीले बुधबार पक्राउ 
गरेको छ ।
यसरी पक्राउ पर्नेहरुमा धनुषा झोझिकटैया–१ बस्ने १९ वर्षीय नुरुद्दीन अंसारी, भारत जिल्ला मधुवनी थाना बासोपटि गाउँ बिरपुर घर भई हाल धनुषा धनौजी–१ डेरा गरी बस्ने २९ वर्षीय अलाउदीन राईन र भारत जिल्ला बाकुरा थाना बिष्णुपुर गाउ बिष्णुपुर घर भई हाल जिल्ला धनुषा जनकपुर उपमहानगरपालिका–५ मा डेरा गरी बस्ने पायल ज्वेलर्सका संचालक ३३ वर्षीय राजु भन्ने गोबिन्द दत्त रहेको प्रहरीले जनाएको छ ।
प्रहरकिा अनुसार भारतीय रुपैयाँ १५ लाख दिई पायल ज्वलेर्सबाट २४ लाख ५० हजार नेपाली रुपैयाँ साटेको खुल्न आएको छ । भारतीय रुपैयामध्ये १३ लाख गोबिन्दको साथबाट प्रहरीले बरामद गरेको र यस सम्बन्धमा आवश्यक अनुसन्धान भइरहेको जनाएको छ ।
