काठमाडौँ ज्येष्ठ १२, सर्वोच्चका लागि न्यायपरिषद्ले सिफारिस गरेका आठ न्यायाधीशमध्ये कतिलाई अनुमोदन गर्ने भन्नेबारे लामो बहसपछि 
संसदीय सनुवाइ समितिले निर्णयका लागि आज बोलाएको बैठकमा न्यायाधीशको नाम अनुमोदनका सम्बन्धमा सभासद्हरूबीच मत बाझिएपछि मतदानको प्रक्रिया अवलम्बन गर्दै आठैजना न्यायाधीशको नाम अनुमोदन गरेको छ ।
अपराह्न २ बजेपछि सुुरु भएको सो बैठकमा सभासद्हरूबीच न्यायाधीश अनुमोदनको प्रसङमा मत नमिलेपछि बैठकको अध्यक्षता गरिरहनुभएका ज्येष्ठ सदस्य कुलबहादुर गुरुङले मतदानको प्रक्रिया अवलम्बन गर्र्नुभएको हो ।मतदानको प्रक्रियाबाट संसदीय सुनुवाई समितिले आजै सर्वोच्च अदालतमा प्रस्तावित आठमध्ये दुईजना सर्वसम्मत (वैद्यनाथ उपाध्याय र ओमप्रकाश मिश्र) र बाँकी ६ जना जनालाइ बहुमतको आधारमा अनुमोदन गरेको हो।
संसदीय सनुवाइ समितिले यसअघि सर्वोच्चका लागि सिफारीस भएका न्यायाधीशहरु क्रमस वैद्यनाथ उपाध्याय, गोपाल पराजुली, दीपकराज जोशी, गोविन्द उपाध्याय, ओमप्रकाश मिश्र, देवेन्द्र गोपाल श्रेष्ठ, चोलेन्द्रशमसेर राणा र जगदीश शर्मा पौडेलसंग उहाँहरु विरुद्ध परेको उजुरी आधारमा सुनुवाइ गर्दा सर्वोच्चका लागि प्रस्तावित न्यायाधीशहरुले समिति समक्ष आफूविरुद्ध लागेका आरोपका सम्बन्धमा स्पष्टीकरण दिनुभएको थियो ।
