काठमाडौँ पौष १३, नेकपा एमालेले सामानुपातिक निर्वाचन प्रणालीअन्तर्गत बन्दसूचीबाट विजयी उम्मेदवारको नामावली निर्वाचन आयोगमा आज बुझाएको छ । एमालेका 
सचिव विष्णुप्रसाद पौडेलले बन्दसूचीको नामावली आयोगमा बुझाईसकेपछि समानुपातिक निर्वाचनको बन्दसूचीबाट विजयी उम्मेदवार चयन गर्दा समावेशिता र ऐन नियम पालना गरिएको जानकारी दिनुभयो ।
संविधानसभा निर्वाचनको मत परिणामअनुरुप ३० दलको सहभागिता पाउने संविधानसभामा हालसम्म १५ दलले बन्दसूचीबाट विजयी उम्मेदवारको नामावली पेस गरेको आयोगका प्रवक्ता वीरवहादुर राईले जानकारी दिनु भएको छ ।
