काठमाडौ साउन १५,
अख्तियार दुरुपयोग अनुसन्धान आयोगले नापी कार्यालय चाबहिलका नापी अधिकृत राजु पुरीविरुद्ध आइतवार १ करोड ४ लाख रुपैयाँ भ्रष्टाचार गरेको ठहर गर्दै विशेष अदालतमा निजको पत्नीलाई समेत प्रतिवादी बनाउँदै मुद्दा दर्ता गरेको छ ।
आयोगले अधिकृत पुरीमाथि अकुत सम्पति आर्जन गरेको भन्दै परेको उजुरीको छानबिनको क्रममा उनको २ करोड २४ लाख ८१ हजार ६ सय ९० रुपैयाँको सम्पत्तिमध्ये १ करोड २० लाख ७७ हजार ७ सय ४८ रुपैयाँको मात्रै वैधानिक स्रोत खुलेको र बाँकी सम्पितको स्रोत नखुलेको आयोगले जनाएको छ ।
आयोगले २०५२ पुस ९ गते सेवा प्रवेश गरेको पुरीले सार्वजनिक पदमा बहाल रहँदा आफ्नो पदीय हैसियतको दुरुपयोग गरी २०७९ असार मसान्तसम्मको अवधिमा कमाएको १ करोड ४ लाख ३ हजार ९ सय ४१ रुपैयाँ बराबरको स्रोत नखुलेको र आयोगले विज्ञप्तिमार्फत जनाएको छ ।