नयाँ सरकार गठनको प्रक्रिया सुरु
काठमाडौं असार १५,
कोशी प्रदेशका मुख्यमन्त्री हिक्मतकुमार कार्कीले कोशी प्रदेशसभाबाट विश्वासको मत पाउँन नसकेसंगै कोशीबाट नेकपा एमालेका नेता समेत रहेका कार्की नेतृत्वको सरकार ढलेको छ ।
मुख्यमन्त्री कार्कीले विश्वासको मतका लागि बिहीबारको बैठकमा मुख्यमन्त्री प्रस्ताव पेस गरेका थिए । तर प्रदेशसभाको विश्वास नपाउने देखिएपछि छलफलका लागि भन्दै बैठक शुक्रबारका लागि सारिएको थियो । यद्यपी आज बसेको बैठकमा ९३ सदस्यीय कोशी प्रदेशसभामा एमालेका ४० र राप्रपाका ६ , नेपाली कांग्रेसका २९, माओवादी केन्द्रका १३, नेकपा एकीकृत समाजवादीका चार र जसपाका एक प्रदेशसभा सदस्य रहेका छन् ।
यसवीचमा आज बसेको ८९ सांसद उपस्थितरहेको प्रदेशसभा बैठकमा मुख्यमन्त्री हिक्मतकुमार कार्कीले राखेको विस्वासको मतको पक्षमा ४६ मत र विपक्षमा ४३ मत परेको थियो । ९३ सदस्यीय कोशी सभामा बहुमतका लागि आवश्यक ४७ सांसदको मत पुर्याउँन नसकदा कार्की नेतृत्वको सरकार ढलेको हो ।
कार्कीको पक्षमा एमालेका ४० र राप्रपाका ६ प्रदेशसभा सदस्य मतदान गरे भने विपक्षमा गठबन्धन दलमा रहेका कांग्रेसका २९, माओवादीका १२ र नेकपा एसका ४ प्रदेशसभा सदस्यले मतदान गरेका थिए ।
यसैवीच मुख्यमन्त्री कार्कीले शुक्रबार कोशी प्रदेशसभाबाट विश्वासको मत नपाएर सरकार ढलेपछि नयाँ सरकार गठनको प्रक्रिया सुरु भएको छ ।नयाँ सरकार गठनको प्रक्रियामा क नेपाली कांग्रेस र माओवादी केन्द्रको दाबी छ ।
गठबन्धनको अर्को घटक नेकपा एकीकृत समाजवादीले कांग्रेस वा माओवादी केन्द्र जसको नेतृत्व भएपनि स्वीकार्ने जनाएको छ । प्रदेश प्रमुखले नयाँ सरकार गठनको आह्वान गर्नेबित्तिकै गठबन्धनबाट दाबी पेस गर्ने र एक साताभित्र सरकार बनाइसक्ने गठबन्धनको तयारी रहेको बुझिएको छ।
