काठमाडौं असार १५,
आज असार १५ अर्थात २०औँ राष्ट्रिय धान दिवस देशभर रोपाइँ सहित यो दिवस मनाइदैछ । यसै अवसरमा कृषि तथा पशुपन्छी विकास मन्त्री डा। बेदुराम भुसालले आज राष्ट्रिय कृषि अनुसन्धान परिषद्को कार्यालयमा खुमलटारमा धान रोपेर दिवसको उद्घाटन गर्नुभएको छ ।
त्यस्तै काठमाडौं उपत्यका सहित देशका विभिन्न भागका खेती किसानी गर्ने समुदायले आआफ्नो शैलीम रोपाइँ गर्दै २०औँ राष्ट्रिय धान दिवस मनाएका छन । मुठी रोपेर मुरी उमार्ने लक्ष्यका साथ आज गरिएको रोपाइँको वेग्लै महत्व रहेको छ । असारे भाकामा छुपु र छुपु हिलोमा धान रोपेर छोडौँला, बनाई कुलो लगाई पानी आएर गोडौँला’ जस्ता लोक लयका लोकदोहोरी गाउँदै आज खेतमा धान रोपाइँ गरिएको हो । त्यस्तै रोपाइँ लगत्तै खेतको डिलमा बसेर दही च्यूरा खाने प्रचलनले त झन आजको दिनलाइ थप उल्लासमय बनएको छ।
