काठमाडौं असार १५,
सर्वोच्च अदालतले बालुवाटारस्थित ललिता निवास जग्गा किर्ते प्रकरणमा पक्राउ परेकाहरुले दायर गरेको बन्दी प्रत्यक्षीकरणको रिटमा कारण देखाऊ आदेश जारी गरेको छ ।
न्यायाधीश कुमार चुडालको एकल इजलासले पक्राउ परेका मीनबहादुर गुरुङ, सुधीरकुमार शाह र धर्मप्रसाद गौतमले आफूहरुलाई हदम्याद कटिसकेको मुद्दामा पक्राउ गर्नु अवैध रहेको भन्दै हिरासतबाट मुक्त गर्न मागसहित दर्ता गरेको रिटमा शुक्रबार कारण देखाऊ आदेश जारी गरेको हो । 
त्यस्तै इजलासले उनीहरुलाई पक्राउ गर्नुको कारण र प्रमाणसमेत चौबीस घण्टाभित्र महान्यायाधिवक्ताको कार्यालयमार्फत लिखित जवाफ पेस गर्न गृह मन्त्रालयलाई निेर्देशन समेत दिएको छ ।
त्यस्तै आदेशमा ‘यसमा के कसो भएको हो रु निवेदकको मागबमोजिम बन्दी प्रत्यक्षीकरणको आदेश किन जारी हुनु नपर्ने हो रु आदेश जारी हुन नपर्ने मनासिब आधार, कारण र प्रमाण भए सोसमेत खुलाई यो सूचना म्याद प्राप्त भएको मितिले बाटाको म्याद बाहेक चौबीस घण्टाभित्र कागज प्रमाणहरुसहित महान्यायाधिवक्ताको कार्यालयमार्फत लिखित जवाफ पेस गर्नू भनिएको छ ।
