काठमाडौं असार १,
सर्वोच्च अदालतका प्रस्तावित प्रधानन्यायाधीश हरिकृष्ण कार्कीले अहिले संसदीय सुनुवाइ समितिमा आफूमाथि उठेका प्रश्नको जवाफ दिइरहेका छन् । सिंहदरबारमा जारी समितिको बैठकमा सांसदहरुले राखेका प्रश्नको कार्कीले जवाफ दिदै गरेको हो ।
संसदीय सुनुवाइ समितिमा कार्कीको सवाल जवाफ सकेसंगै समितिले संवैधानिक परिषद्ले गरेको नियुक्तिमाथि समितिले आफ्नो निर्णय दिनेछ । यदि संसदीय सुनुवाइ समितिले उनको नाम अनुमोदन गरेमा विगत ९ महिनादेखि कामु प्रधानन्यायाधीशको जिम्मेवारी निर्वाह गर्दै आइरहेका कार्कीलाए संवैधानिक व्यवस्था अनुसार राष्ट्रपतिले फुल प्रधानन्यायाधीश नियुक्त गर्नेछन ।
यसअघि समितिको बिहीबारको बैठकमा कार्कीले आफ्ना भावी योजनाको फेहरिस्त प्रस्तुत गरेका थिए । उनले न्यायपालिकाप्रतिको जनताको आस्था र विश्वास अभिवृद्धि गर्ने प्रतिप्रद्धता व्यक्त गरेका थिए ।
