काठमाडौं जेठ ३१,
मधेस प्रदेशका मुख्यमन्त्री सरोजकुमार यादवले मंगलबार प्रदेशसभाबाट दोस्रोपटक मंगलबार विश्वासको मत पाएका छन् ।
मुख्यमन्त्री यादवलाई मधेश प्रदेशसभाका सबै दलले विश्वासको मत दिएका छन् । प्रदेशसभामा उपस्थित एक सय तीन जना प्रदेशसभा सदस्यले उनलाई विश्वासको मत दिएको र विपक्षमा शून्य मत परेको हो ।
बैठकमा नागरिक उन्मुक्तिकी उर्मिलादेवी सिंह र स्वतन्त्र सांसद केशव राय अनुपस्थित रहे । जेठ १ गते सरकारबाट बाहिरिएको एमालेले पछि समर्थन फिर्ता लिएको थियो । सोही कारण २९औं दिनपछि मुख्यमन्त्री यादवले विश्वासको मतका लागि अपिल गर्नुभएको हो ।
