काठमाडौं जेठ ३१,
नेपाली कांग्रेसका उपसभापति पूर्णबहादुर खड्कालाई पार्टीको कार्यवाहक सभापतिको जिम्मेवारी तोकिएको छ ।
कांग्रेसका मुख्य सचिव कृष्णप्रसाद पौडेलले सभापति देउवा स्वास्थ्य उपचारका लागि गएराति सिंगापुर गएकाले उहाँ स्वदेश नफर्कुञ्जेलसम्मका लागि उपसभापति खड्कालाई कार्यवाहक सभापतिको जिम्मेवारी दिइएको जानकारी दिनुभयो ।
सभापति देउवा स्वास्थ्य फलोअपका लागि पत्नी आरजुसहित सिंगापुर गएको र एकसातापछि स्वदेश फर्किने उनको सचिवालयले जनाएको छ ।