काठमाडौं असोज २ ,
संविधान दिवसको अवसरमा राष्ट्रपति विद्यादेवी भण्डारीले ७०२ जनाको कैद माफी गर्नुभएको छ। मन्त्रिपरिषद्को सिफारिसमा राष्ट्रपति भण्डारीले विभिन्न मितिमा अदालतबाट भएका फैसला बमोजिम ७०२ जनाको कैद सजाय माफी मिनाहा गर्नुभएको राष्ट्रपति कार्यालयका प्रवक्ता सागर आचार्यले जारी विज्ञप्ति मार्फता जानकारी दिनुभएको हो ।
त्यस्तै जारी विज्ञप्तिमा राष्ट्रपति भण्डारीले संविधानको धारा २७६ र मुलुकी फौजदारी कार्यविधि संहिता, २०७४ को दफा १५९ बमोजिम भाद्र ३१ गतेको मन्त्रिपरिषद् बैठकले गरेको निर्णयको सूचीमा रहेका महेन्द्रप्रसाद कानुसहित २१ जनालाई कैद सजाय माफी दिनुभएको छ भने नेपालको संविधानको धारा २७६, फौजदारी कसुर [सजाय निर्धारण तथा कार्यान्वयन] ऐन, २०७४ को दफा ३७, फौजदारी कसुर [कैदकट्टा]नियमावली, २०७६ को नियम ३ तथा सर्वोच्च अदालतको आदेशका आधारमा असल चालचलन भएका पासाङ शेर्पासहित २०३ र इन्द्रकुमार लिम्बूसमेतका ४७८ गरेर जम्मा ६८१ जनाको कैद माफी मिनाहा गर्नुभएको उल्लेख गर्नुभएको छ।
