काठमाडौं साउन १६,
स्वास्थ्य तथा जनसङ्ख्या मन्त्रालयले पछिल्लो समय कोभिड संक्रमितको ग्राफ बढेसंगै मुलुकको सातवटै प्रदेशका १७ वटा अस्पतालबाट उपचारको व्यवस्था मिलाएको जानकारी दिएको छ । मन्त्रालयका सहप्रवक्ता डा समीरकुमार अधिकारीले कोभिड मध्यम र गम्भीर अवस्थाको विरामीको पहिचान गरि उपचारका लागि १७ वटा अस्पतालबाट निःशुल्क उपचारको व्यवस्था गरिएको जानकारी दिनु भएको हो ।
त्यस्तै डा अधिकारीले यसरी व्यवस्थापन गरिएको अस्पताल मध्ये प्रदेश नं १ को कोसी अस्पताल विराटनगर र विपी कोइराला स्वास्थ्य विज्ञान प्रतिष्ठान धरान, त्यस्तै मधेस प्रदेशको जनकपुर प्रादेशिक अस्पताल र नारायणी अस्पताल वीरगञ्ज रहेको जानकारी दिनभएको छ ।
यस्तै बागमती प्रदेशको शुक्रराज ट्रपिकल तथा सरुवा रोग अस्पताल भरतपुर अस्पताल चितवन, वीर अस्पताल ,हिक्षण अस्पताल र पाटन स्वास्थ्य विज्ञान प्रतिष्ठानमा संक्रमित उपचार हुने जनाएको छ। त्यस्तै गण्डकी प्रदेशमा पोखरा स्वास्थ्य विज्ञान प्रतिष्ठान र धौलागिरि अस्पताल बागलुङ रहेका छन् भने लुम्बिनी प्रदेशको लुम्बिनी प्रादेशिक अस्पताल बुटवल र भेरी अस्पताल नेपालगञ्ज, कर्णाली प्रदेशमा कर्णाली स्वास्थ्य विज्ञान प्रतिष्ठान जुम्ला र सुर्खेत प्रादेशिक अस्पताल वीरेन्द्रनगर तथा सुदूरपश्चिम प्रदेशमा सेती प्रादेशिक अस्पताल धनगढी र डडेल्धुरा अस्पताल रहेका जानकारीदिनुभएको छ।
