काठमाडौँ असार १९,
जल तथा मौसम विज्ञान विभागले मनसुनी वायुको बढ्दो प्रभावसंगै आज देशभर आंशिकदेखि सामान्य बदली रहनाका साथै धेरै स्थानमा हल्कादेखि मध्यम वर्षाको संभावना औल्याएकोछ । असरले देशभर आंशिकदेखि बदली रहने र धेरै स्थानमा हल्कादेखि मध्यम वर्षाको सम्भावना रहेको जल तथा मौसम विज्ञान विभागले जनाएको हो ।
त्यस्तै विभागले बागमती र गण्डकी प्रदेशका एकाध स्थानमा भारी वर्षाको सम्भावना संगै पहाडी भू–भागमा भूक्षय, पहिरो तथा गेग्रान बहावको जोखिम रहेको र नदीनाला तथा खहरे खोलामा पानीको सतह बढ्नसक्ने जनाउँदै यसवीचमा सिर्जना हुन सक्ने क्षतिप्रति सचेत हुन सबैमा अनुरोध समेत गरेको छ ।
साथै काठमाडौँ उपत्यकाको न्यूनतम तापक्रम २१ दशमलव शून्य डिग्री र अधिकतम तापक्रम २८ दशमलव आठ डिग्री सेल्सियस रहेको जनाएको छ ।