काठमाडौं माघ १६,
राष्ट्रियसभाको बैठक अर्को सूचना जारी नहुँदासम्मका लागि स्थगित भएको छ । संघीय संसदका महासचिव भरतराज गौतमले आज जारी गर्नुभएको सूचनामा राष्ट्रियसभाको बैठक अर्को सूचना जारी नहुँदासम्मका लागि स्थगित भएको व्यहोरा उलेख गरिएको छ। यसअघि माघ १७ गते दिउँसो १ बजेका लागि बोलाइएको बैठक पुनः अर्को सूचना नभएसम्मका लागि स्थगित गरिएको हो ।
त्यस्तै जारी सूचनामा राष्ट्रियसभाको बैठक विशेष कारणवश तोकिएको दिन र समयमा बस्न नसक्ने भएकोले राष्ट्रियसभा नियमावली २०७५ को नियम ६ को उपनियम ९३० बमोजिम अर्को सूचना नभएसम्मका लागि उक्त बैठक स्थगित गरिएको उल्लेख गरिएको छ ।”
