काठमाडौं मंसिर २८,
नेपाली काँग्रेसको १४औं महाधिवेशन अन्र्तगत नयाँ नेतृत्वको लागि आज भएको दोस्रो चरणको निर्वाचनमा कुल ४५६४ मत खसेको छ । यो मत सख्या पहिलो चरणको निर्वाचनको तुलनामा ११५ कम मत सख्याा हो ।
यसअघि पहिलो चरणको निर्वाचनमा ४६७९ मत खसेको थियो । निर्वाचन समितिले केहीबेरमै मतगणना सुरु गर्ने जनाएको छ । दोस्रो चरणको लागि सभापतिमा शेरबहादुर देउवा र डा। शेखर कोइरालाबीच चुनावी प्रतिष्पर्धा भएको हो । पहिलो चरणबाट प्रकाशमान सिंह, विमलेन्द्र निधी र कल्याण गुरुङ बाहिरिएका थिए ।
सोमवार भएको पार्टी सभापतिको निर्वाचनमा तेस्रो स्थान हासिल गर्नुभएको नेता प्रकाशमान सिंहले शेरबहादुर देउवालाई समर्थन गर्ने बताउनुभएको छ ।
काँग्रेसको पहिलो चरणमा प्रथम स्थान प्राप्त गर्नुभएका प्रधानमन्त्री देउवा र नेता सिंहवीच आज क्षेत्रपाटीस्थित सिंह निवास चाक्सिबारीमा भएको छलफलको क्रममा उहाँ हरुवीच राजनैतिक लेनदेनको सहमति भएसंगै नेता सिंहले सभापति देउवालाइ समर्थन गर्ने जनाउ दिनुभएको स्रोतको दावी रहेको छ ।