काठमाडौं मंसिर २९,
नेपाली काँग्रेसको १४औँ महाधिवेशन मार्फत पार्टी सभापतिमा शेरबहादुर देउवा दोस्रो कार्यकालका लागि निर्वाचित भएका छन । पहिलो चरणमा विधानत व्यवस्था अनुरुप सभापतिमा निर्वाचित हुन आवश्यक मत नपुगेसंगै मंगलवार भएको दा्स्रो चरणको निर्वाचनबाट सभापतिका उम्मेदवार देउवाले आफ्ना निकटम प्रतिस्पर्धी डा. शेखर कोइरालालाइ ८७९ मतान्तरमा पराजित गर्दै देउवा सभापतिमा विजयी भएको हो ।
कुल खसेको ४६ सय २३ मत मध्ये सभापतिमा निर्वाचित देउवाले २७३३ मत प्राप्त गर्दै गर्दा डा कोइरालाले १८५५ मत प्राप्त गर्नुभएको थियो । त्यस्तै ३५ मत बदर भएको थियो ।
