काठमाडौ मार्ग १, नेपाली कांग्रेसको भातृ संगठन नेपाल तरुण दलको अध्यक्षमा जितजंग बस्नेत चयन भएका छन् । शनिबारदेखि पोखरामा जारी चौथो 
महाधिवेशमा शीर्ष नेताहरुबीच पदीय भागबण्डाको आधारमा तरुण दलको नेतृत्वको चयन गरिएको हो शीर्ष नेताहरुबीच भएको पदीय भागबण्डा अनुरुप काँग्रेस सभापति शेरबहादुर देउवाले आफू निकट बस्नेतलाई सभापति वरिष्ठ नेता रामचन्द्र पौडेलाई तरुण दलको महामन्त्री, अर्का नेता कृष्णप्रसाद सिटौलापक्षलाई उपाध्यक्ष र नेता खुमबहादुर खड्का समूहलाइ कोषाध्यक्षको जिम्मेवारी दिईएको छ ।
जसअनुसार तरुण दलको उपाध्यक्षमा उत्तम चापागाइँ, महामन्त्रीमा भूपेन्द्रजङ्ग शाही र कोषाध्यक्षमा विद्वान गुरुङ रहनु भएको छ । दलको संशोधित विधान अनुरुप ९५ सदस्य रहने समितिका अन्य सदस्यको नामावली निर्देशन समितिको अर्को बैठकले तय गर्ने भएको छ ।
