काठमाडौं आश्विन १८ , सत्ता गठबन्धन दुई दल कांग्रेस र माओवादी केन्द्रले बाँकी रहेको चार मन्त्रालय बाँडफाँडको तयारी गरेका छन् । चारमध्ये एक कांग्रेस र एक माओवादी केन्द्रले 
लिनेछन् भने बाँकी दुई मन्त्रालय मधेसी जनअधिकार फोरम लोकतान्त्रिकका लागि खाली राख्ने तयारी गरेको खवर आजको नयाँपत्रिकामा प्रकाशित रहेको छ ।
त्यस्तै खवरमा प्रधानमन्त्री पुष्पकमल दाहाल प्रचण्डको निजी सचिवालयलाइ उदृत गर्दै प्रधानमन्त्रीले अहिले चार मन्त्रालय क्रमस खानेपानी तथा सरसफाइ, पशुपक्षी विकास, महिला बालबालिका तथा समाजकल्याण र विज्ञान तथा प्रविधि मन्त्रालय आफैँसँग राख्नुभन्दा मन्त्री थप गरेर सरकारलाई पूर्णता दिने पक्षमा रहेको उल्लेख गरिएको छ । त्यस्तै साना दलले मन्त्रीका लागि दौडधुप बढाए पनि प्रधानमन्त्री उनीहरूलाई मन्त्री नबनाउने सोचमा रहेको सचिवालयले जानकारी दिएको छ ।
