काठमाडौ भाद्र २ राष्ट्रपति विद्यादेवी भण्डारीले बुधवार राजधानीको कामपा वडा न १५ स्थित विजयेश्वरी मन्दिरमा पुगेर
विद्याधरी देवीको दर्शन सहित पूजाअर्चना गर्नुभएको छ ।
गत आषाढ १ गतेदेखि विधिपूर्वक सुरु भएको विजयेश्वरीको विद्याधरीसहित ४ योगिनी (बज्र बाराही, बज्र योगिनी, खड्ग योगिनी तथा आर्यतारा) को १२ वर्षे कलेवर फेर्ने पूजाका अवसरमा मुलुकको राष्टाध्यक्षबाट पहिलो दर्शन गर्ने परम्परा अनुरुप राष्ट्रपति भण्डारीले मन्दिर परिसरमा पुगेर देवीको दर्शन गर्नुभएको हो ।
राष्ट्रपतिले दर्शन गर्नुभएपछि सर्वसाधारणका लागि ती देवीको दर्शन खुला भएको जानकारी १२ वर्षे पूजा आयोजना समितिका सचिव माणिकरत्न शाक्यले दिनु भएको छ । यसअघि विद्याधरी देवी ३ पटक यस्तो पूजा सम्पन्न भइसकेको जानकारी दिदै प्रस्तुत पूजालाइ राष्ट्रिय पूजाको मान्यता दिइनु पर्ने सरोकारवालाहरुको जोड रहेको छ ।