ललितपुर भाद्र ९, श्रीकृष्ण जन्माष्टमीको अवसरमा राष्ट्रपति विद्यादेवी भण्डारीले आज ललितपुरस्थित कृष्ण मन्दिरको 
दर्शन गर्नुभएको छ । जन्माष्टमीको अवसरमा राष्ट्र प्रमुखले कृष्ण मन्दिर दर्शन गर्ने परम्परा अनुरुप उहाँले कृष्ण मन्दिरको दर्शन गर्नुभएको हो । त्यस अवसरमा राष्ट्रपति भण्डारीले मन्दिरका पुजारी प्रतापधर शर्माबाट टीका तथा प्रसाद ग्रहण गर्नुभएको थियो
मन्दिरको पूर्व अवस्थित मङ्गाहिटीमा रहेको प्राचीन ढुङ्गेधाराका बारेमा समेत उहाँले चासो राख्नुभएको थियो । राष्ट्रपति भण्डारीलाई ललितपुरका प्रजिअ ऋषिराम शर्मा लगायतले स्वागत गर्नुभएको थियो ।
