काठमाडौं पौष १२, शान्ति विना विकास सम्भव नभएको जनाउँदै शान्ति तथा नव नियुक्त पुननिर्माण मन्त्री एकनाथ ढकालले संविधानले 
दिएको अधिकार नागरिकको पहुँचमा पु-याउन ७ भित्र नयाँ कार्यक्रम घोषणा गरिने बताउनु भएको छ । आइतबार नेपाल पत्रकार मञ्चको प्रतिनिधीमण्डलको बधाइ तथा शुभकामना ग्रहण गर्दै मन्त्री यस्तो अभिव्यक्ति दिनु भएको मञ्चद्दारा जारी विज्ञप्तिमा उल्लेख गरिएको छ ।
त्यस्तै विज्ञप्तिमा द्वन्द्वकालीन संरचना पुननिर्माण तथा अहिले चलिरहेको मधेस आन्दोलनले पूर्वाधार तथा सामाजिक विकासमा पु-याएको अवरोध विश्लेषण गरी सवै पक्षलाई शान्ति प्रक्रियामा ल्याएर विकासमार्फत राष्ट्रिय समृद्धिमा टेवा पुग्ने योजना अघि सारिने मन्त्री ढकालको भनाइ रहेको उल्लेख गरिएको छ ।
साथै वधाइ तथा शुभकामना दिनकालागि मञ्चको नेतृत्वमा आमसञ्चारमा आवद्ध ३ दर्जन सञ्चारकर्मीहरुमाझ मन्त्री ढकालले राजनीतिक 
दल, समुदाय तथा परिवारमा अधिकारका विषयमा फरक मत भएकाले शान्तिको संस्थागत सुदृढीकरणमा समस्या रहेको बताउँदै उहाँले नेपालमा शान्ति प्रक्रियाको दिगोपनाकालागि परिवारवाट अभियान शुरु गरेर समुदाय हुँदै राष्ट्रिय र अन्तरराष्ट्रिय क्षेत्रमा पु-याउने योजना मन्त्रालयको बनाएको त्यस अवसरमा जानकारी दिनुभएको उल्लेख गरिएको छ ।
