काठमाडौं आषाढ १४, थाई नेपाली संघ थाईल्याण्ड र विश्व शान्ति युवा संघ नेपालको आयोजनामा शनिबार राजधानीको भृकुटीमण्डपमा बृहत रत्तदान कार्यक्रम गरिएको छ । वैशाख १२ र २९ गते गएको बिनासकारी भूकम्प पीडितको लागि १६० जनाले रक्तदान गरेको विश्व शान्ति युवा संघ नेपालका अध्यक्ष प्रकाशबाबु थापाले जानकारी दिए । गायक आनन्द कार्की, गायिका इन्दीरा जोशी, मास्टर गड एन्जल, थाई नेपाली संघ थाईल्याण्ड उपाध्यक्ष कुमार कार्की, विश्व शान्ति 
एकीकृत परिवार संघ नेपालका अध्यक्ष संन्तोष कुमार पौडेल डा.चिन्तामणी योगी, संगितकार शिखर सन्तोष, विश्व शान्ति युवा संघ नेपालका अध्यक्ष प्रकाशबाबु थापा लगायतका १६० जनाले रक्तदान गरेका थिए ।
सयौको संख्यामा रक्तदान गर्न चाहनेहरुको भिड नै लागेपनि स्वास्थ्य समस्याका कारण १६० जनाले मात्र रक्तदान गरेको हुन् । बिहान ११ बजेबाट शुरु भएको रक्तदान दिउँसो ३.३० सम्म संञ्चालन गरिएको थियो ।
रक्तदानमा मध्यपुर ठिमी अस्पतालका डा.अबिनास क्षेत्रीको नेतृत्वको टोलीले सहयोग गरेको थियो । रक्तदान अवधिभर कुनै किसीमको समस्या नआएको त्यहा खटिएका स्वास्थ्यकर्र्मीले जानकारी दिए । रक्तदानलाई प्रोत्साहित गर्न कार्यक्रममा कलाकार,पत्रकार समाजसेवीहरुको बाक्लोउपस्थिती रहको कार्यक्रममा नायक दिलीप राईमाझी,गायीका इन्दिरा जोशी, सबिना कार्की , संगितकार शिखर सन्तोष कलाकार किरण केसी, समाजसेबी दिलसोभा श्रेष्ठ, हिन्दु बिद्या पीठका डा। चिन्तामणी योगी, कलाकार सरोज केसी, हिमालयन टाईगर,जोगेन्दर,रिता लिम्बु लगायतको सहभागिता रहेको थियो ।
रक्तदान कार्यक्रमलाई हयाबेन्ली पाथ, रोटरी नेपाल, ड्रिम प्वाईन्ट, द युनिर्भसल टाइम्स् हिन्दु बिद्या पीठले सहयोग गरेका थिए । बिभिन्न संघ संस्थाका ५० भन्दा बढी स्वयमसेवक परिचालित गरिएको थियो ।
