काठमाडौ चैत्र २२, स्वाइन फ्लुका कारण अस्वस्थ भई गत साता अस्पताल भर्ना हुनुभएका नेकपा (एमाले)का पोलिटब्युरो सदस्य तथा लुम्बिनी अञ्चल 
इञ्चार्ज रामनाथ ढकालको आज निधन भएको छ । गत चैत १४ गतेदेखि धापासीस्थित गम्भीर अवस्थामा ग्राण्डी अस्पतालमा उपचार गराइरहनुभएका नेता ढकाललाई आज दिउँसो १ः३० बजे चिकित्सकले मृत घोषणा गरेका थिए ।
नेता ढकालप्रति अन्तिम श्रद्धाञ्जलिका लागि उहाँको शवलाई सोमबार बिहान ८ बजे पार्टी केन्द्रीय कार्यालय बल्खुमा राखिने एमाले केन्द्रीय कार्यालयका सचिव कृष्णगोपाल श्रेष्ठले आज जारी गर्नुभएको विज्ञप्तिमा उल्लेख गरिएको छ ।
