काठमाडौं असोज १२, संविधानसभाको बैठकले यही असोज १४ गतेसम्म विवादित विषयमा सहमति जुटाउने समयसीमा सम्वाद समितिलाई दिए अनुरुप विवादित विषयमा सहमति कायम गर्नका लागि समितिले संविधान निर्माणको प्रमुख विवादित विषयको रुपमा रहेको राज्य पुनःसंरचना र शासकीय स्वरुपको विषयमा आज देखि शीर्ष नेतृत्वको तहमा विशेष छलफल सुरु गर्ने भएको छ ।
यदि यस वीचमा पनि सहमति हुन नसके असहमतिका विषयलाई असोज २१ गतेसम्म बुँदागत रुपमा प्रश्नावली तयार पार्ने अख्तियारी समेत संविधानसभाको बैठकले समितिलाइ दिएकाले शीर्ष नेतृत्व तहमा विवादित विषयमा सहमति कायम गरेर समितिको बैठकमा पेस गर्ने तयारी भइरहेको बुझिइएको छ । यसै क्रममा प्रस्तुत प्रसङमा सहमति खोज्न समितिको बैठक आज पनि बस्ने भएको छ । बिहान ११ बजे सिंहदरबारमा बैठक बस्न लागेको समितिका सचिव तथा संसद सचिवालयले जनाएको छ ।