काठमाडौ माघ १, विहिवार न्याय परिषदले गरेको उच्च अदालतको प्रयोजनार्थ भन्दै गरेको न्यायधिस नियुक्तिप्रति नेपाल बार एसोसिएसनले आफ्नो गम्भीर 
ध्यानाकर्षण भएको जनाएको छ । वारका उच्च अदालतमा स न्यायाधीश नियुक्ति भएको भन्दै गम्भीर ध्यानाकर्षण भएको जनाएको छ । बारका महासचिव खम्मबहादुर खातीले शुक्रवार एके प्रेस विज्ञप्ति जारी गर्दै मावेशी र समानुपातिक अवधारणा विपरीत न्याय परिषद्को निर्णयले न्यायपालिकाको गरिमा बढाउने नभइ पु-याउँने काम गरेको भन्दै यसमा आफ्ना ध्यानाकर्षण भएको उल्लेख गरिएको छ ।
त्यस्तै विज्ञप्तिमा न्याय परिषद्का सदस्य एवम् सर्वोच्च अदालतका वरिष्ठतम् न्यायाधीश वैधनाथ उपाध्याय र परिषद् सदस्य रामप्रसाद सिटौलाको अनुपस्थितिमा न्यायाधीश नियुक्तिको निर्णय हुनुलाई समेत दुर्भाग्यपूर्ण भनिएको छ ।
यसैवीच राष्ट्रिय प्रजातन्त्र पार्टीले ‘विभिन्न पार्टीको भागबन्डाको आधारमा उच्च अदालतका न्यायाधीश नियुक्ति गरिएकामा’ दुःख व्यक्त गर्दै स्वतन्त्र, स्वच्छ र निष्पक्ष न्यायालयले न्यायाधीश नियुक्तिको निर्णय पुनःविचार गर्न माग गरेको छ । पार्टीका प्रवक्ता राजाराम श्रेष्ठद्दारा जारी प्रेस विज्ञप्तिमा राजनीतिक पार्टीको भागबन्डामा हुने यस्ता नियुक्तिले विधिको शासन, न्यायिक सर्वोच्चता र नागरिक स्वतन्त्रता जस्ता लोकतन्त्रको आधारभूत मान्यतालाई कायम राख्न नसक्ने उल्लेख छ ।
त्यस्तै तमलोपाका प्रवक्ता विमलप्रसाद श्रीवास्तवले पनि न्याय परिषद्ले गरेको न्यायाधीश नियुक्ति संविधानमा समावेशीताको प्रावधान विपरीत गरेको भन्दै असन्तुष्टि जनाएको छ ।
