काठमाडौ श्रावण २८, नयाँ शक्ति पार्टी नेपालका संयोजक डा बाबुराम भट्टराईले सहमतिका आधारमा संविधान संशोधन गरेर भएपनि जतिसक्दो चाँडो प्रदेशसम्बन्धी सीमाङ्कनको मुद्दालाई टुङ्गो लगाउनुपर्ने मा जोड दिनु भएको छ । 
पार्टीको राजनीतिक संवाद समितिद्वारा आज राजधानीमा आयोजित बुद्धिजीवी तथा नागरिक समाजका प्रतिनिधीसंगको छलफलका क्रममा डा भट्टराईले दीर्घकालीन राजनीतिक स्थिरताका लागि संविधान संशोधन गरी जनताबाट प्रत्यक्ष निर्वाचित कार्यकारी प्रमुख हुनुपर्नेमा जोड दिनुभएको प्राप्त समाचारमा उल्लेख गरिएको छ ।
त्यस्तै छलफलमा नागरिक समाजको तर्फबाट डा सुन्दरमणि दीक्षित र अर्थविद् डा विश्वम्भर प्याकु¥याल लगायतले मुलुकमा जनताले राजनीतिक अस्थिरताभन्दा पनि विकास चाहेको हुँदा संविधान कार्यान्वयन गर्दै मुलुकको समृद्धिको मार्ग तर्फ लैजानुपर्ने अभिमत प्रकट गर्नु भएको उल्लेख गरिएको छ ।
