काठमाडौँ श्रावण १८, भारतका प्रधानमन्त्री नरेन्द्र मोदी नेपालको दुई दिने भ्रमणको समाचार सङ्कलनलाई व्यवस्थित र मर्यादित तबरले सम्प्रेषण गर्नका लागि सूचना विभागले २९६ विशेष पास वितरण गरेको जनाएको छ । प्रम मोदीको नेपाल भ्रमणको अवसरमा तय भएका औपचारिक कार्यक्रमको समाचार सङ्कलनलाई व्यवस्थित गर्न विभागले मुलुकका विभिन्न सञ्चारमाध्यमका साथै विदेशी सञ्चारमाध्यमलाई पास वितरण गरिएको जानकारी दिएको छ ।
वितरण गरिएका विशेष पासमध्ये ५० पास मोदीको भ्रमण सम्बन्धमा विशेष कार्यक्रमको समाचार सङ्कलनका लागि भारतबाट आएका र नेपालमै रहेका विदेशी सञ्चारमाध्यमका प्रतिनिधिलाई वितरण गरिएको छ भने बाँकी पास नेपालका विभिन्न सञ्चारमाध्यमहरुलइ वितरण गरिएको विभागले जनाएको छ ।
त्यस्तै यसरी वितरित विशेष पासमा विमानस्थल/पशुपतिमन्दिर, होटल हयात/होटल सोल्टी र सिंहदरवार/शितल निवास गरी तीन स्थान भनेर छुट्टा छुट्टै विशेष प्रेस पास दिइएको छ ।