काठमाडौँ फागुन १५, प्रधानमन्त्री सुशील कोइरालाले सबै नेपालीलाई आपसमा सद्भाव र मेलमिलाप कायम राखी मुलुकको विकासमा एकतावद्ध हुन प्रेरणा मिलोस् भन्ने कामना गर्नुभएको छ । महाशिवरात्रि पर्वको उपलक्ष्यमा प्रम कोइरालाले दिनुभएको शुभकामना सन्देशमा बहुजातीय, बहुधार्मिक, बहुसांस्कृतिक, बहुभाषी राष्ट्रको रुपमा रहेको नेपालको विशेषताहरु नै विविधतामा एकता रही आएका यस पर्वले सम्पूर्ण नेपालीको बीचमा बन्धुत्व, एकता, हार्दिकता कायम गर्दै धार्मिक सहिष्णुता प्रदान गर्ने अपेक्षासमेत गर्नुभएको छ ।