काठमाडौँ पौष १५, आजदेखि राजधानीमा सुरु भएको सहिद स्मारक ए डिभिजन लिग फुटबल प्रतियोगिताको उद्घाटन खेलमा मनाङ मस्र्याङ्दी क्लबले ब्वाइज युनियन क्लबलाई पराजित गरेको छ । त्रिपुरेश्वरस्थित दशरथ रङ्गशालामा भएको प्रतियोगितामा गतवर्ष ए डिभिजन लिगको उपविजेता मनाङ मस्र्याङ्दीले ब्वाइज युनियनलाई १–० गोलअन्तरले पराजित गर्दै ३ अङ्क जोड्न सफल भएको हो
त्यस्तै गरि आजै भएको दोस्रो खेलमा त्रिभूवन आर्मीले जाउलाखेल युथ क्लबलाई ३–० गोलअन्तरले पराजित गरेको छ भोलिको पहिलो खेल दिउँसो १:०० बजे फ्रेन्डस क्लबले सशस्त्र प्रहरी बल (एपिएफ) क्लबको सामना गर्नेछ भने दोस्रो खेल ३:०० बजे मच्छिन्द्र क्लब र सङ्कटा क्लबबीच हुँनेछ ।
