काठमाडौं फागुन २३,
सत्ता गठबन्धन दलहरु मन्त्रालय भागवण्डामा व्यस्त भएका बेला संसद्को पहिलो दल नेपाली कांग्रेसले छुट्टै गठबन्धनको तयारी सुरु गरेको छ । प्रधानमन्त्री पुष्पकमल दाहालले धोका दिएको निष्कर्ष सहित नेपाली कांग्रेसले गठबन्धनमा सहभागी नभएक दलहरुलाई एकत्रित गर्दै छलफल थालेको हो ।
यसक्रममा कांग्रेस सभापति देउवाले राप्रपा अध्यक्ष राजेन्द्र लिङ्देन संगै मधेश केन्द्रित तीन दलसँग छलफल गरेका छन् । सभापति देउवाले लोकतान्त्रिक समाजवादी पार्टीका अध्यक्ष महन्थ ठाकुर, जनमत पार्टीका अध्यक्ष सिके राउत र नागरिक उन्मुक्ति पार्टीका अध्यक्ष रेशम चौधरीसँग देउवाले आज बूढानिलकण्ठमा छलफल गर्नुभएको हो।
छलफलमा कांग्रेस उपसभापति पूर्णबहादुर खड्का, महामन्त्री गगन थापा, नेता शेखर कोइराला र प्रमुख सचेतक रमेश लेखक लगायतका नेताको उपस्थित रहेको थियो । नयाँ सत्ता समीकरण घोषणा भएसँग कांग्रेसले सरकारलाई दिएको विश्वासको मत फिर्ता लिएको छ भने गठबन्धनबाहिरका दलसँग छलफल अघि बढाएको छ । यसवीचमा देउवाले आजै बिहान नेकपा एसका अध्यक्ष माधवकुमार नेपालसँग समेत छलफल गरेका थिए ।
