काठमाडौं फागुन २१,
आज बस्ने प्रतिनिधिसभाको बैठक स्थगन गरिएको छ। आज विहान ११ बजे बस्ने तय भएको प्रतिनिधिसभा बैठकमा प्रधानमन्त्री प्रचण्डले सम्बोधन गर्ने तयारी रहेको थियो । 
यसअघि सभामुख देवराज घिमिरेले सरकारको नाममा पटक–पटक रुलिङ गरेका छन् । सभामुखको रुलिङपछि प्रधानमन्त्री प्रचण्डले आज सांसदले उठाएको प्रश्नको जवाफ दिनका लागि प्रधानमन्त्री कार्यालयले संसद् सचिवालयलाई पत्र पठाएर प्रचण्डले प्रतिनिधिसभालाई सम्बोधन गर्ने जानकारी दिइएको थियो ।
तर एकाएक मुलुकको राजनितिमा आएको सत्ता गठबन्धनको नयाँ परिर्वतनसंगै आजको लागि तय भएको संसद बैठक स्थगन गरिएको हो ।
स्थगन भएको संघीय संसद्का दुवै सदनको बैठक फागुन २४ गते बस्ने संसद सचिवालयले सूचना जारी गर्दै जनाएको छ।
