काठमाडौं फागुन २१,
संघीय संसद्अन्तर्गत माथिल्लो सदन राष्ट्रिय सभाको गत माघ ११ गते भएको निर्वाचनबाट निर्वाचित १९ जना सदस्यले आज पद तथा गोपनीयताको शपथ लिएका छन् ।
यसअघि २०७४ सालमा निर्वाचित भएर ६ वर्ष कार्यकाल पूरा गरेका २० सांसदको पदावधि आइतवार सकिएसंगै मन्त्रिपरिषदको सिफारिसमा राष्ट्रपतिबाट एक सदस्य वाहेक नवनिर्वाचित १९ जनाले आज सपथ लिएको हो ।
आज सपथ लिने राष्ट्रिय सभाको सदस्यहरुमा क्रमस कांग्रेसका कृष्णप्रसाद सिटौला, आनन्दप्रसाद ढुङ्गाना, विष्णुकुमारी पुडासैनी, जितजंग बस्नेत, पदमबहादुर परियार, किरणबाबु श्रेष्ठ, विष्णुकुमारी सापकोटा, कृष्णबहादुर रोकाया, बलदेव बोहरा र नारायणदत्त भट्टले शपथ लिएका हुन् । त्यस्तै माओवादी केन्द्रको तर्फबाट श्रीकृष्ण अधिकारी, मनरुपा शर्मा, झक्कु सुवेदी, विष्णुबहादुर विश्वकर्मा र रेणु चन्द रहेका छन।
त्यस्तैगरि नेकपा एसको तर्फबाट घनश्याम रिजाल र सावित्री मल्ल जनता समाजवादी पार्टीको तर्फबाट पूजा चौधरी र नेकपा एमालेकी रुक्मणी कोइराला रहेका छन । कार्यक्रममा उपप्रधानमन्धी एवम् गृहमन्त्री नारायणकाजी श्रेष्ठको समेतो उपस्थिति रहेको थियो ।