काठमाडौं फागुन ८,
हिन्दु, बौद्ध, किराँत विधिअनुसार पाशुपत क्षेत्रमा फागुन १९ देखि २६ गतेसम्म साताव्यापी विश्वशान्ति महायज्ञको आयोजना हुने भएको छ । आसन्न महाशिवरात्री पर्वको अवसरमा महारुद्र परिवार फाउन्डेसनले सामाजिक सद्भाव, धार्मिक सहिष्णुता, राष्ट्रिय एकताको सन्देश सहित पितृ उद्धारका निमित्त महायज्ञ गर्न लागिएको जनाएको छ ।
अष्टम पूजा, मुन्धुम पाठ, वेद पाठ, दोमाङ पाठ, श्रीमद्भागवत पाठ, मूलपाठ पारायण, प्रज्ञा पारमिता पाठ, मोन्लम आदि हिन्दु, बौद्ध, किराँत ३ वटै धर्म विधिअनुसार पितृहरुको उद्धारको कामनासहित हिन्दू, बौद्ध र किराँत धर्मका गुरुको उपस्थितीमा प्रवचन, दैनिक हवन, रासलिला, भजनकीर्तन, ताण्डव नृत्य, धामीझाँक्री पनि प्रदर्शन सहितपाठपूजा गरिने फाउन्डेसनले जनाएको छ ।
फाउन्डेसनका अध्यक्ष खगेन्द्र पोख्रेलले देशमा सामाजिक सद्भाव, धार्मिक सहिष्णुता, राष्ट्रिय एकता आजको आवश्यकता रहेको छ । अहिले धर्म धर्म बिच दुरी बढ्दै गईरहेको बेला यो महायज्ञले धार्मिक एकतालाई अझ मजवुत बनाई एकअर्को धर्मको सम्मान, सद्भाव र एकता कायम राख्न सहयोग गर्ने जानकारीसंगै महायज्ञको लागि पूर्व युवराज्ञी हिमानी शाहलगायत अन्य विशेष व्यक्तिहरुको उपस्थिति रहने बताए ।