काठमाडौं मंसिर २६,
पशुपतिनाथको भण्डारमा रहेको बहुमूल्य नागमणि, एक मुखे रुद्राक्ष र दाहिने शंख आज बिहान शुपतिनाथको पश्चिमढोकामा सर्वसाधारणका लागि प्रदर्शन गरिने भएको छ । प्रत्येक वर्ष मार्गशीर्ष कृष्ण त्रयोदशीका दिन वर्षभर सुरक्षित राखिएको छ भनेर बहुमूल्य नागमणि, एक मुखे रुद्राक्ष र दाहिने शंख सर्वसाधारणलाई देखाउने परमपरा अनुरुप आज एक मुखे रुद्राक्ष र दाहिने शंख प्रदर्शन गरिन लागेको हो ।
पशुपति क्षेत्र विकास कोषले बहुमूल्य नागमणि, एक मुखे रुद्राक्ष र दाहिने शंख प्रत्येक महिना पशुपतिका भण्डारीको पालो परिवर्तनका बेला कोष, प्रहरीलगायत सरोकार भएका निकायका रोहवरमा बुझाउने राख्ने प्रचलन रहेको जनाएकोछ ।
यसअघि बालाचतुर्दशीका दिन सोमबार शतबीज छर्दा जम्मा भएको फोहोर नेपाली सेना, नेपाल प्रहरी र सशस्त्र प्रहरी, बागमती सफाइ अभियानकर्मीलगायतको सहभागितामा सफा गर्ने कार्यक्रम रहेको जनाइएको छ ।
