काठमाडौं मंसिर २४,
प्रधानमन्त्री प्रचण्डको सचिवालयले प्रधानमन्त्रीकी स्वकीय सचिव रहेकी छोरी गंगा दाहाल लक्षित हुँदै संघीय संसदका स्वतन्त्र सांसद अमरेशकुमार सिंहले सार्वजनिक गर्दै आएको अभिव्यक्ति प्रधानमन्त्रीको सचिवालयले खण्डन गरेको छ।
प्रम सचिवालयले आज साँझ एक विज्ञप्ति जारी गर्दै सांसद अमरेशकुमार सिंहले आफ्नो निहित स्वार्थ पूरा नभएपछि प्रधानमन्त्री र सचिवालय विरुद्ध विद्वेषपूर्ण ढंगले गर्दै अनर्गल, भ्रामक प्रचार र झुठको खेती गर्दै प्रधानमन्त्रीपुत्री गंगा दाहालले विभिन्न व्यापारीसँग अनुचित रकम उठाएको जस्ता अनेकन आरोप सहितका सार्वजनिक अभिव्यक्ति दिएपछि प्रधानमन्त्रीको सचिवालयले यसको खण्डन गरेको हो।
सचिवालयबाट जारी विज्ञप्तिमा सांसद सिंहको स्वार्थ पूरा नभएपछि योजनाबद्ध रूपमा प्रधानमन्त्री र परिवारविरूद्ध लागेको जिरि गरिएको छ । तर विज्ञप्तिमा सासंद सिंहको स्वार्थ के हो भन्ने जिकिर भने गरिएको छैन ।
यद्यपी यस सन्दर्भमा विगत केही समयदेखि अराजनीतिक व्यक्ति र समूहले प्रधानमन्त्री र सचिवालयसँग अनुचित माग र बार्गेनिङ गर्ने र त्यस्तो स्वार्थ पूरा नभएपछि श्रृंखलावद्ध दुस्प्रचार गर्ने गरेको कुरा पनि स्पष्ट गर्न चाहन्छौं भन्दै
प्रधानमन्त्रीज्यूका सचिवालयका सदस्यहरू सबै प्रकारका कुप्रचार, आरोप र चुनौतीहरु सामना गर्न तयार छौँ। हामीलाई विश्वास छ, छानविन समितिले निर्धारित समयमा काम गर्ने छ, सत्य सबैसामु छलङ्ग हुनेछ, दोषी कोही छुट्ने छैनन् र कुप्रचार एवं भ्रमका सम्पूर्ण पर्दा च्यातिनेछन् जिकिरसंगै सासंद सिंहको यो निन्दनीय आरोप र गतिविधिको घोर भर्त्सना गर्दै प्रचलित विधि र कानुनअनुसार उपचार खोज्न प्रतिनिधिसभाको समेत गम्भीर ध्यानाकर्षण गराएक छन ।
यस्तो छ प्रधानमन्त्री सचिवालयको विज्ञप्ति :
मा.अमरेश कुमार सिंहले आफ्नो निहित स्वार्थ पूरा नभएपछि सम्माननीय प्रधानमन्त्रीज्यू, उहाँको परिवार र सचिवालयका विरुद्ध विद्वेषपूर्ण ढंगले अनर्गल, भ्रामक प्रचार र झुठको खेती गर्दै आएका छन्। उनको यो अस्वाभाविक प्रस्तुति र अराजनीतिक बार्गेनिङ सरकारको पूर्णतासँगै सुरू भएको तथ्य स्पष्ट नै छ।
उनको यो निन्दनीय आरोप र गतिविधिको घोर भर्त्सना गर्दै प्रचलित विधि र कानुनअनुसार उपचार खोज्न हामी सम्मानित प्रतिनिधिसभाको गम्भीर ध्यानाकर्षण गराउँछौं। देशलाई ठग्ने उद्देश्यले बिक्री गरेको घटनालाई सरकारले गम्भीरतापूर्वक लिई अध्धयन र छानबिनको प्रक्रिया अघि बढाइसकेको सबैमा अवगत नै छ।
सम्माननीय प्रधानमन्त्रीज्यू कोप २८ मा भाग लिन दुबईमा रहेको बेला गरिएको यो किनबेचको प्रपञ्चलाई उहाँ नेपाल आउने बित्तिकै छानविन र कार्बाहीको प्रक्रिया अघि बढाइएको छ। छानविन समितिको अध्ययन र छानविनपछि सरकारले प्रचलित कानुनबमोजिम देशको स्वाभिमान र राष्ट्रिय हितलाई केन्द्रमा राखेर आवश्यक निर्णय लिने नै छ।
सत्य एकातर्फ छ, तर अमरेश सिंह जस्ता जनप्रतिनिधि भन्न नि लाज लाग्ने प्रतिनिधिको अर्कोतर्फ जुन निन्दनीय प्रलाप छ, त्यो पूर्णतस् झुठ कपोलकल्पित र व्यक्तिको इज्जयत र प्रतिष्ठामाथि गम्भीर आँच पुर्याउने एवं कानुनी राज्यमाथि नै चुनौती दिने प्रकृतिको छ।
यस सन्दर्भमा विगत केही समयदेखि अराजनीतिक व्यक्ति र समूहले प्रधानमन्त्री र सचिवालयसँग अनुचित माग र बार्गेनिङ गर्ने र त्यस्तो स्वार्थ पूरा नभएपछि श्रृंखलावद्ध दुस्प्रचार गर्ने गरेको कुरा पनि स्पष्ट गर्न चाहन्छौं।
सम्माननीय प्रधानमन्त्रीज्यूका सचिवालयका सदस्यहरू सबै प्रकारका कुप्रचार, आरोप र चुनौतीहरु सामना गर्न तयार छौँ। हामीलाई विश्वास छ, छानविन समितिले निर्धारित समयमा काम गर्ने छ, सत्य सबैसामु छलङ्ग हुनेछ, दोषी कोही छुट्ने छैनन् र कुप्रचार एवं भ्रमका सम्पूर्ण पर्दा च्यातिनेछन्। धन्यवाद।
-प्रम सचिवालय
सांसद अमरेशकुमारद्वारा सार्वजनिक अभिव्यक्तिको प्रम सचिवालयले गर्यो खण्डन
